Dagur 1:
þennan dag koma hinir erlendu þátttakendur í Stóru fuglaskoðunarferðinni
til Íslands, yfirleitt seinni part dags og er ætlunin að sína þeim, ef tími gefst
til skoða Náttúrugripasafn Íslands, eða fuglalífið á Tjörninni í Reykjavík eða
Skógræktarstöðina í Fossvogi, þannig að menn komist strax í snertingu við íslenskt
fuglalíf fyrsta daginn.
Kvöldverður á góðu veitingahúsi í Reykjavík
þar sem hópurinn verður hristur saman!
Dagur 2:
Við leggjum
af stað í bítið og höldum sem leið liggur upp í Hvalfjörð, þar sem fuglalífið
hefur tekið miklum breytingum til batnaðar strax á fyrsta árinu eftir opnun Hvalfjarðarganga.
Nú er hér mun meira af fugli í flæðarmálinu en áður var (æðarfugl) en einkum hefur
tjaldi fjölgað áberandi mikið.
Eftir hádegið höldum við upp á Álftanes
og Straumfjörð á Mýrum þar sem fuglalífið er sérlega fjölbreytilegt (27 teg. varpfugla,
en rúmlega 40 teg. hafa sést á svæðinu). Hér erum við einnig staddir á þeim slóðum
þar sem hið hörmulega sjóslys, þar sem franska rannsóknarskipið Pourquoi-Pas?
fórst og munum við ganga að minnisvarða um strandið, en eins og kunnugt er, þá
komust aðeins einn maður og einn fugl lífs af úr strandinu.
Kvöldverður
og gisting á Hótel Borgarnesi.
Dagur 3.
þessum degi munum
við verja til þess að skoða hið fjölbreytta fuglalíf á Snæfellsnesi: Fyrst á nesinu
sunnanverðu (Hofgarðatjörn, Torfvatn, Sauratjörn o.fl). Síðan að Arnarstapa þar
sem ritu og kríuvörp verða skoðuð.
Síðan er haldið fyrir nesið, krívarpið
á Rifi og mávavarp í nágrenni Landshafnarinnar athugað og síðan er haldið sem
leið liggur í Stykkishólm, til kvöldverðar og gistingar.
Dagur 4.
Lagt verður af stað árla dags út á Breiðafjörð þar sem þar sem fyrstu svartfuglabyggðirnar
ber fyrir augu á eyjum og skerjum auk lunda að ógleymdum sjálfum konungi íslenskra
fugla, haferninum.
Síðan verður stigið á land í Flatey, þar sem nokkrir
fremur sjaldséðir fuglar, s.s. þórshani sjást að öllu jöfnu. Að lokinni skoðunarferð
um eyjuna verðu síðan haldið með Baldri yfir Breiðafjörð að Brjánslæk, þaðan sem
haldið verður í gististað á Flókalundi. Eftir að hafa komið sér fyrir, er tilvalið
að halda upp að Vatnsdalsvatni þar sem fuglalíf er allajafna fjörugt og mikið
um rjúpu í kjarrinu.
Dagur 5.
Nú liggur fyrir að halda sem
leið liggur út á Látrabjarg, sem er eins og kunnugt er stórfenglegasta fuglabjarg
landsins, yfir 20 km langt og rís víða um 300 metra yfir síkvikan sjávarflötinn
.
Að skoðun bjargsins lokinni, höldum við sem leið liggur yfir langa
og stranga fjallvegi vestfjarðakjálkans , e.t.v. með viðkomu í æðarvarpinu í Dýrafirði,
allt til Ísafjarðar þar sem okkar býður góður kvöldverður og gisting.
Dagur 6.
Enn hefst dagurinn með bátsferð, að þessu sinni út í Æðey
þar sem fuglalífið er eitt hið áhugaverðasta á öllu Íslandi. Fuglinn er einkar
spakur þar sem hann hefur aldrei orðið fyrir áreyti manna á þessum slóðum og það
svo mjög að margir hverjir kippa sér ekki upp við þótt þeim sé strokið.!
Eftir góða og yfirleitt ógleymanlega gönguferð um eyjuna er haldið inn
Ísafjarðardjúp, allt til Reykjaness þar sem gisting, kvöldverður og sundlaug bíða
fararlanganna. Einnig geta menn gert sér til gamans að ganga á selafjörur sem
þarna eru nánast við húsvegginn.
Dagur 7.
þessum degi er óhjákvæmilegt
að verja til þess að ferðast frá Vestfjörðum til Norðurlands, að vísu alllöng
leið en þó má gera sér til gamans að skoða Byggðasafnið á Reykjum í Hrútafirði
á leiðinni, en einnig munum við skoða fugladranginn Hvítserk og Borgarvirki á
þessari dagleið sem lýkur á Blönduósi, nánar tiltekið á Hótel Blönduósi, sem hentar
sérstaklega vel fyrir þarfir þessa hóps, með fallega strandlengjuna á aðra hönd
en óshólma Blöndu á hina, en þar hefur einmitt fuglalíf tekið stakkaskiptum lýkt
og laxveiðin eftir að stífla kom í ána. Nú hafa t.d. straumendur nýhafið varp
á þessum slóðum.
Dagur 8.
þegar við ökum inn Langadal, meðfram
Blöndu, þá eru einkar góðar líkur á að koma auga á eina eða, tvær eða jafnvel
allar þær gæsategundir sem yfirleitt sjást á Íslandi, auk álftapara sem verpa
þarna reglulega við tjarnir meðfram ánni.
Eftir hádegisverð á Akureyri,
höldum við um Víkurskarð yfir í Fnjóskadal þar sem við munum gefa okkur góðan
tíma til þess að huga að fuglalífi skógarins og við ána.
Síðdegis komum
við svo að paradís íslenskra fuglaáhugamanna, Mývatni, þar sem við munum dvelja
í tvær nætur á hinu nýja góða Hótel Mývatni, þar sem ágætis aðstað er til þess
að stunda fuglaskoðun beint af verönd hótelsins!
Dagur 9.
Öllum þessum degi verður varið til þess að koma auga á einhverjar
eða helst allar þær 14 andategundir sem halda til að staðaldri við vatnið. En
auk þess mun fálka, smyrla, uglur, óðinshana og himbrima jafnframt bera fyrir
augu.
Dagur 10.
Við leggjum nú af stað í "öfugan"
Tjörneshring, þar sem Dettifoss verður fyrst skoðaður. Síðan liggur leið okkar
í ásbyrgi þar sem mikið af fýl hefur komið sér fyrir í hamraveggjunum auk ýmissa
sjaldgæfra andategunda sem oft má sjá á tjörnunum innst í byrginu.
Við
Axarfjörð má oft sjá súlu stinga sér úr mikilli hæð eftir bráð sinni, en einnig
munum við huga að fuglabjörgunum á sjálfu Tjörnesinu auk þess sem jarðsögu nessins
verða gerð nokkur skil þegar við munum gera stuttan stans við Hallbjarnarstaðakamb.
Gisting og kvöldverður á Hótel Húsavík.
Dagur 11.
þessum degi munum við ekki verja til þess að skoða smæstu meðlimi
dýraríkisns, heldur einhverja þá stærstu, þ.e.a.s hvalina á Skjálfandaflóa. En
einni munum við skoða fuglalífið á Lundey úr fjarlægð og, ef veður leyfir, ganga
á landi í Flatey á Skjálfanda, en þar hefur fuglalíf þróast mikið eftir að búsetu
lauk í eyjunni.
Gisting aftur og kvöldverður á Húsavík.
Dagur
12.
Við munum hefja daginn með því að skoða hið áhugaverða Hvalaminjasafn
á Húsavík, en það hefur sem kunnugt er nýlega hlotið styrk frá Alþjóða Náttúruverndarsjóðnum
(W.W.F.) til þess að byggja upp starfsemi sína.
Við höldum síðan sem
leið liggur frá Húsavík inn Laxárdalinn, en næringarrík áin (sem kemur úr Mývatni)
skapar , auk góðrar laxveiði, afskaplega hagstæð skilyrði fyrir fuglalíf, sem
er allt að því jafn fjölskrúðugt hér og á sjálfu vatninu, auk þess sem kyrrðin
og næðið er meira.
á leið okkar til baka munum við koma við á byggðasfaninu
á Grenjaðarstað, en síðan er haldið að Húsavíkurflugvelli, í Aðaldal, þar sem
flugvél mun bíða manna og flytja aftur til Reykjavíkur.
Lokakvöldverður
á góðum veitingastað í Reykjavík.
Dagur 13. Akstur til Keflavíkurflugvallar
og brottför.
Lengd: 13 dagar, 12 nætur.
Lágmarksfjöldi
farþega: 2 manns, hámark: 8. (Hægt er að taka stærri
sérhópa*).
Staðfestar brottfarir:
Tvær Brottfarir, í
byrjun sumars eingöngu.
Verð:
Skipulagðar brottfarir árið 2010: sjá
Brottfarir
Staðfestingargjald: 30%.
Álag vegna eins manns herbergis: +16%
Þóknun til samþykktra
söluaðila: samningsatriði, leitið tilboða
Söluskilmálar
(vinsamlegast lesið vandlega)
Nauðsynlegur búnaður: Góðir gönguskór og annar hlífðarfatnaður, góður sjónauki.
Innifalið: Akstur og leiðsögn. Hótel eða góð
bændagisting í tveggja manna herb.yfirleitt með baði, fullt
fæði (vel útilátinn morgunverður, snöggsoðinn
hádegisverður með "rétti dagsins" eða sambærilegu,skrínukostur
ef nauðsynlegt reynist, 3 rétta kvöldverður), frá hádegisverði
fyrsta dags, til hádegisverðar síðasta dag ferðarinnar.Drykkir/minibar
ekki inninfalin.
Starfrækt: á vormánuðum og snemmsumars.
ATH: Á öllum árstímum getur veður og ófærð eða
aðrar óviðráðanlegar orsakir hamlað för tímabundið.Valferðir ehf taka ekki ábyrgð
á óþægindum eða aukakostnaði sem hlýst af slíkum töfum.
 |  |  |