Valferðir bjóða viðskiptavinum sínum upp á ferðir og hópferðaakstur að eigin
vali, með eða án leiðsagnar, hvert á land sem er, með allt frá einum til 14 farþega.
Einnig bjóðum við viðskiptavinum okkar uppá aðstoð ,þeim að kostnaðarlausu,
við að þróa og útfæra hugmyndir sínar að ferðum um Ísland og að hrinda þeim í
framkvæmd.
Til dæmis höfum við reynslu í að aðstoða:
- Hjólreiðamannahóp í hringferð um landið.
- Ljósmyndara frá virtu tískutímriti við val á tökustöðum og aðstoð við tökur á Suður-og Vesturlandi.
- Evrópskan hellaskoðunarhóp í skoðunarferð um Vesturland og Snæfellsnes.
- Hóp skandinaviskra innflytjenda á sjávarafurðum við að heimsækja gamla viðskiptavini sína á Íslandi og að leita sér að nýjum viðskiptavinum.
- Stóra kanadíska fjölskyldu á leið vestan um haf, með 10 klst. viðdvöl á íslandi, til þess að gera þessa stuttu dvöl ánægjulega: sækja í Leifsstöð, sýna henni Reykjavík og Suðurnes og skila henni síðan tímanlega í framhaldsflug til Evrópu.
- Stóra svissneska sjónvarpsstöð við gerð heimildarmyndar um Jules Verne á Snæfellsnesi,
- o.s.frv.
Við bjóðum því öllum þeim sem kunna að þurfa á slíkri sérhæfðri þjónustu að halda, að setja sig í samband við okkur , annaðhvort:
1) Ef nægur fyrirvari er fyrir hendi ,á hefðbundinn hátt, með tölvupósti eða símbréfi, sem við munum svara innan 24 klst og gera ákveðið tilboð í þá þjónustu sem óskað er eftir.
2) Ef lítill sem enginn fyrirvari er fyrir hendi,símleiðis, hvenær sem er sólarhringsins, til þess að athuga hvort við getum ekki veitt umbeðna þjónustu .Aðalsími okkar er: 445.6390, en farsími:
GSM 895.1245
