Dagsferð í Þórsmörk

Áfangastaður okkar í þessari dagsferð er fjallasalurinn Þórsmörk,sem umlukinn er jöklum á nær þrjá vegu og svo torsóttur að yfir rúmlega 20 læki og ár er að fara á leiðinni þannig að þangað er alla jafna ekki fært nema á öflugum fjórhjóladrifsbíl. En hann höfum við til umráða og látum því ekki þessa farartálma hamla för á vit einnar skærustu náttúruperlu landsins.
Við leggjum af stað úr Reykjavík kl 8.30,og ökum viðstöðulaust austur til Hvolsvallar,þar sem við gerum stuttan stans áður en haldið er inn Fljótshlíðina, yfir Markarfljótsaura að Stóra-Dímon og þvínæst yfir fljótið á gömlu brúnni frá 1933 en við eystri enda hennar hefst hin eiginlega Þórsmerkurleið.
Við byrjum á að skoða hinn mikilfenglega skriðjökul Gígjökul sem svo heitir þar sem hann fellur til norðurs frá sjálfum gígnum í Eyjafjallajökli niður á láglendið og myndar þar fallegt jökullón.
Áfram er haldið inn mörkina og næst gerður stans við Stakkholtsgjá þar sem þverhníptir hamraveggir,hvannstóð og gljúfrabúafoss bíða ferðalanganna.Um klukkustund tekur að kanna gjána og til þess verður fólk að vera vel skóað til gönguferða.
Að könnun Stakkholtsgjár lokinni er kominn tími til þess að huga að hádegisverði og því liggur næst fyrir að renna í Goðaland, að Básum, og snæða þar nesti.
Eftir hádegið er haldið norður yfir Krossá og þar standa ımsir gönguferðamöguleikar til boða: Ganga á Valahnúk með sitt óviðjafnanlega útsıni eða t.d. ganga inn í Stóra-og Litlaenda þar sem vindurinn hefur sorfið hinar furðulegustu kynjamyndir í móbergið.
Síðdegis er síðan haldið aftur til baka út úr mörkinni, Seljalandsfoss skoðaður í bakaleiðinni, og ekið yfir nıju brúna á Markarfljóti og þjóðleiðina til Reykjavíkur þar sem ferð líkur um kl.18:00.
Lengd: 10 klst,
Brottför: mánudaga kl.8.00, eða samkvæmt pöntun.
Verð pr.mann (fyrir 3 farþ.eða fleiri):
(Vinsamlegast veljið gjaldmiðil)
Innifalin þjónusta: Akstur og leiðsögn.

bakalabelheimlabelefstlabel